קאווע שטיבל

א געפערליכער אויפברויז הערשט צווישן חסידי וויזניץ, נאך וואס עס איז נתפרסם געווארן די געשיכטע מיט די ריבניצער קאץ, בשעת דער קאץ האט זיך געדרייט ביי די קברים פונעם ריבניצער און דער סקוליענער, אהין און צוריק, אידן האבן דאס געזען און פארשטאנען אז מען רעדט פון עפעס העכערס, אלע האבן געזען אז דער קאץ זוכט א תיקון ביי די קברים פון די הייליגע צדיקים.

און וואס טוט זיך מיט דער וויזניצער ציון? - פארוואס איז דער קאץ נישט אהינגעגאנגען?

דער עולם אין וויזניץ איז שרעקליך צוטראגן, מאנכע זענען באליידיגט עד דכדוכה של נפש. געווען אפילו אזעלכע וואס האבן געוואלט שמועסן מיטן קאץ, אפשר קען מען זיך אוועקזעצן, אפשר פאר אפאר דאלער...? - דער עולם האט זיך נישט געקענט בארואיגן אויף דער שרעקליכער דורכפאל. פארהאן וואס קלערן פון אהינברענגען א נייעם קאץ, דאס מאל א ווייסער, וואס וועט זיצן בלויז ביים וויזניצער ציון, און אזוי וועט מען זען אז ס'זענען דא קעץ וואס זוכן אויך דא א תיקון.

לאמיר זען וואס עס וועט זיך אויסקאכן פון די גאנצע געשיכטע.

דער קאץ האט מורא אז מען וועט אים צוטיילן אויף אכט.

די וויזשניצע טענות זענען טאקע היבש פארשטענדליך אבער דער קאץ שרייט חי וקיים אז ער איז פארבלאנזשעט געווארן פון זיין מאמע און די איינציגסטער פלאץ וואו מענטשן האבן אים נישט געקענט אנרירן איז געווען אין דעם קוויטל טייך ביים ריבניצער.

עס איז שטארק יתכן אז ער וועט מוזן חתמ׳ענען ברבים אז ער האט נישט געמיינט קיין שלעכטס און דאן וועט ער אריבערגיין מיט א מנין קעץ איבערצובעטן די וויזשניצע חסידים ביים ציון.

די וויזניצע ווערען מגולגל אין דאנקיס, נישט קעץ.

דער קאץ איז ווארשיינליך אן אייניקל פון איינע פון די בארימטע קעץ פון רבי שלומקע זווילער זי''ע. ביזדערווייל איז נאך אומפארשטענליך ווי אזוי דער קאץ האט באוויזן דורכצושווימען דעם מיטטעללענדישען מעהר און דעם אטלאנטישער אקעאן. אזוי צו אזוי, מיר זענען אלע הייס מתפלל אז דער נשמה וואס איז באהאלטטן אין דעם קעצל און אין אלע קעצלך זאל האבן איר ענדגילטיגער תיקון, און געפונען איר ארט אונטער די פליגל פון די שכינה...

זי''ע ועל כל תרנגולים ונאמר אמן.
רבי מרדכי ניזשכיזער איז געווען א גוטער יוד.

אבשלום בן מעכה האט געשריבן:און וואס טוט זיך מיט דער וויזניצער ציון? - פארוואס איז דער קאץ נישט אהינגעגאנגען?

ווייל וויזניצע קבר איז אין א אוהל מיט טירן.

אן א סיריעס נאוט
מען הערט אייביג די מעשיות אויף קעץ און פייגלעך
פון די אויסוואל פון בעלי חיים וואס איז פארהאן אין די געגנט מאכט זיך קיינמאל נישט די מעשה נאר ביי קעץ אדער פייגלעך?!
וואס איז מיט הערשן, ראקונס, סקאנקס, מייז, סקווירלס, הינט, זיי געשעהט קיינמאל נישט די זאכן אז זיי סטיקן צו איין פלאץ? זיי זוכן נישט קיין תיקונים?

איך קען גראדע עטליכע יומענס וואס קלעבן נישט אפ פון ערגעץ וויפיל מען האט נאר פרובירט איז עס נישט געגאנגן
איינער האט אויפגעברענגט אז זיי דארפן אפשר א תיקון אויף א פריערדיגע גולגל ענד איי פולי עגרי....

מנחם ציון האט געשריבן:אן א סיריעס נאוט
מען הערט אייביג די מעשיות אויף קעץ און פייגלעך
פון די אויסוואל פון בעלי חיים וואס איז פארהאן אין די געגנט מאכט זיך קיינמאל נישט די מעשה נאר ביי קעץ אדער פייגלעך?!
וואס איז מיט הערשן, ראקונס, סקאנקס, מייז, סקווירלס, הינט, זיי געשעהט קיינמאל נישט די זאכן אז זיי סטיקן צו איין פלאץ? זיי זוכן נישט קיין תיקונים?

די מייז האבען דאך א רבי.

מאמענט די וואך.

זייט די מעשה אין סקווירא מיט דעם פיש וואס האט גערעדט (משה יודא געשטעטנער המכונה ..."מישא"...) הערט מען נישט אז צדיקים זאללן מגולגל ווערן אין פיש...!

איין זאך האט עס זיכער געהאלפן. דער בלאט האט אויספארקויפט אלע צייטונגען אין בארא פארק. מ'האט געמוזט גיין אין די גוי'אישע געגנט כדי צו באקומען א בלאט...!

אן עצה טובה פאר וויזשניצער חסידים: ברענגטס מיט א ביסל גוטע פאטעיטא קוגל. שיריים פון רבינו שליט"א. וועט עטץ זעהן ווי דאס קעצל וועט לויפן קיין וויזשניץ. יא גילגול. נישט גילגול. א הונגעריגע קאץ איז געבוירן א קאץ און זי וועט בלייבן א קאץ. מעשה מר' יונתן אייבשיץ יוכיח...!

berlbalaguleh האט געשריבן:אן עצה טובה פאר וויזשניצער חסידים: ברענגטס מיט א ביסל גוטע פאטעיטא קוגל. שיריים פון רבינו שליט"א. וועט עטץ זעהן ווי דאס קעצל וועט לויפן קיין וויזשניץ. יא גילגול. נישט גילגול. א הונגעריגע קאץ איז געבוירן א קאץ און זי וועט בלייבן א קאץ. מעשה מר' יונתן אייבשיץ יוכיח...!

זאגסט גוט אבער פון וועלכע רבינו שליט"א?

די מאנסי קוגל איז א מצרי'שע קוגל (ע"ע נחום רז"ב) און איז נישט גענוג כשר פאר אונזער פארוואגלטן קאץ.

די קייאמישע קוגל איז איבערגעדעקט מיט זון ברילן און מען קען עס נישט זעהן.

די ירושלים'ע רבי פארמאגט נישט קיין אייגענע קוגל.

די בארא פארק'ע רבי שעירט זיין קוגל מיטן ירושלים'ער סאו עס בלייבט גארנישט איבער.

די מאנטריאל'ע קוגל איז פארפרוירן.

די לאנדאן'ע קוגל איז צו שטאט און ביז עס וועט אנקומען וועט די קאץ שוין טרעפן א תיקון.

די בית שמש'ע קוגל איז האבן די קדושי עליון פון גולובניץ פארכאפט.

און די וויליאמסבורג'ע קוגל ליגט פארכאפט אין ראדני קאווע שטיבל.

דער עולם דא קומט אריין איינער פאני'ער פונעם צווייטן.
נישט קיין וואונדער אז די קאווע שטיבל ניווא וואקסט ווי אויף הייווען.

עס לאנג אז ס'איז דא זענען זיי גערעכט

זייער פשוט די קאטץ איז געוועהן א נקיבה. און כיודע איז ר׳ מאטעלע געוועהן פרומער אין די פרט פון זיין טאטע און זיידעס און נישט אועפגענומען קיין פרויען נאר איינמאל אין לעבן. א כלה פאר די חתונה. די סקולענער רבי און ריבניצער האבן יא אויפגענומען פרויען פאר קוויטלעך.

שבת אחים: איך האב א שיינע, ווייסע קאץ וואס איך קען. זי האט זייער שטארק ליעב, אויסער מייז און ראטן, פאטעיטא קוגל...

איך גיי איהר ארייננארן אין מיין קאר און אפפיהרן צום וויזשניצער בית החיים. גראד אין אוהל פונ'ם קדושת מרדכי, זי"ע. וועסטו זעהן ווי זי וועטציך דרייען ארום די מציבה. און אפילו שטיין אויף 2 פיס. אזוי ווי ס'איז באשריבן אין מאמענט...!