קאווע שטיבל

לכבוד מיין וואטסעפפ חבר:
שטייענדיג פאר יום כיפור וויל איך מיר איבערבעטן און אביסעל אויסשמועסן מיט דיר אונזער וואטסעפפ חברותה.

ווען די האסט שפאנירט אויף מיר און געזעהן אז איך בין "אנליין" האסטו מיר געשיקט וואטס אפ? איך האב דיר הערשט געענפערט נאך צוואנציג מינוט מן הסתם ביסטו געווען ברוגז ווייל איך בין דאך אנליין און איך ענפער נישט, אבער לאמיר דיר זאגן איך האב געהאלטען אינמיטען א העווי טשעט אויף א גרופ (מען האט דיסקאסט זייער וויכטיג עפעס וועמענס ווייב ספענט מער געלט..) איך האב נישט געפילט פאר וויכטיג אנצוהייבן א פרישע בארינג שמועס ( בערך אזוי: וואטס אפ?
ב"ה
האוו אר יא?
גוד
עני ניוס?
נאטינג ספעשאלס
און אזוי ווייטער די באטאמטע שמועסן...)
אביסעל שפעטער ווען איך בין ווייטער געווען אנליין האב איך געהאלטען און מיטען קוקען א וואטסעפפ קליפ אדער האב איך סתם אזוי נישט געהאלטען ביים ענפערן, איך בין עפעס מחויב דיר גראד צו ריספאנדען? אבער איך טריי געווענדליך צו קוקען ביי די נאטעפיקעישאן'ס וואס בערך די טעקסט איז אויב איך וויל דיר יעצט נישט ענפערן טריי איך עס נישט צו עפענען אז די זאלסט מיינען אז איך בין ביזי...

אויך דארף איך דיר איבערבעטן אזוי ווי אונז זעמיר צוזאמען אויף צוויי גרופס און איך פאווערד צומאל א גוטס פון איין גרופ צו די אנדערע און עס מאכט דיר נערוועיז, אדער שיק איך ביי מיסטיעק איבער די זעלבע לאנגע מעסעדש אויף די זעלבע גרופ, ווער רעדט נאך אויב איך שיק די זעלבע קליפ און סנוצט דיר אויס צוועלעף מעגע בייטס דעטע.. אבער אפילו איך שיק נאר איינמאל א גוטס אויף איין גרופ שרייבסטו שוין "אלד דזאוק" ווייל די האסט עס שוין געזעהן צוויי שעה צוריק אויף דיין פעמעלי גרופ און די האסט עס נישט געפאווערד...

אבער לאמיר זיך טרייסטען בלעקבעררי קומט דאך שוין ארויס זוממער (ס'פריזט נאך סאוי סאיז נאך נישט זוממער..) מיט זייער עפפ פאר ענדרויד/אייפאון אפשר וועט מען צוריק אנהייבן טשעטן אויף ביבי וועלעך קענען ליינען יעדעמס טשעט און דיר לכתחילה איגנארען.. זאל די באשעפער העלפען איך זאל טאקע ווערן ביזי..!

מהאלט שוין ווידער ביי א יאר גאנץ ניי,
דאס בלעטעלע פון פאריאר געט מען א פארדריי,
וואס איז געווען וועט זיך נישט טוישען סיי ווי סיי,
תכלה שנה מיט אירע פראבלעמען און וויי,
און פארן נייעם יאר לאמיר מאכען א געשריי,
טאטע זיסע אונזער צובראכען הארץ פארשטיי,
זיי אונז מוחל אויפן עבר און אונזערע זינד פארציי,
הער אונזערע בקשות לתפילתינו שעה,
שענק אונז א זיס יאר מיט כל מיני שפע מיניה וביה,
געזונט פרנסה נחת און ברכות עד בלי די,
א הארץ פול מיט שמחה בני חי ומזוני רויחי,
ימלא ה' כל משאלותינו און שנת תשע״ה.

און אז איך בין שוין דערביי,
וואונטש איך דא פאר אלע חביריי
קאווע שטיבל איינוואוינער די אלטע און די ניי,
צום ווידערזעהן איבערעס יאר... און פאר יעצט ביי...

איי מיס יו גייס טונס.

אזויפיהל וויל איך נאך. וואנטשען מיינע ברודער דא.
האסטס מיר אלע א גוט געבענטשט יאר, בעהטס ענק אויס אלץ גוט, די תפילות זאלן נתקבל ווערן ברחמים וברצון.
איך האב ענק אין מיינד טעגליך.
שטילע

אהן וויסען די מאמעס נאמען ארבעט נישט אינזין האבען....

א גוט לעכטיג יאר חברים, ידידים, ניקים, וגם הניקים בכפליים. האטס אלע א זיס לעכטיג יאר!

נישט פארגעסן עירוב תבשילין, א פרוזבול פאר די שוווער, און צו הערן די תקיעות ביי תשליך. פאר אייער באקוועמליכקייט וועט מען אויך קענען קלאפן הושענות ביי כפרה שלאגן, און קויפן אתרוגים צווישן נעילה און אויספאסטן.

קוקטס ווער האט תשובה געטון און געלייקט דעם לעצטן הודעה.. עטץ גלייבטס עס?

לכל ידידי ומכירי,
חברי השטיבל,
אל שארית בית ישראל,
אל פליטת בית סופריהם,
אל כל העמים עלי אדמות,
ועם האנושי בכלל,

תתברכו מלוא חפנים בברכת:
אגג״י
ובעיקר, כתיבה וחתימה טובה.

ידידכם,
קא״ק

חברה, לאמיר האבן א לאוולי יאר!!
כתיבה וחתימה טובה

טעפל האט געשריבן:די טעפל איז זיך מצרף וואונטשען פארן גאנצען עולם א זיס געבענטשט יאהר!!! מיט אלעם גוטן.

גם אני מצטרף! נאר גוט'ס!!

קינד_אן_קייט האט געשריבן:לכל ידידי ומכירי,
חברי השטיבל,
אל שארית בית ישראל,
אל פליטת בית סופריהם,
אל כל העמים עלי אדמות,
ועם האנושי בכלל,

תתברכו מלוא חפנים בברכת:
אגג״י
ובעיקר, כתיבה וחתימה טובה.

ידידכם,
קא״ק

געפעלט מיר דיין חתימה...

איך האב מיך אזוי מתבונן געווען, עס איז דא אזא מנהג בעיקר ביי די נשים צדקניות, ווי אויך ביי די גברים וואס האבן א נשמתא דנוקבא, און זיי זענען זייער עמאציאנעל, אנצוקאלן די גאנצע שטאט צו ווינטשען שאנע טובע, גוט געבענשטעיאר.... וכו' וכו'

מען וויל זיך אראפלייגען דאס מיד זעקל ביינער ערב ר''ה אויף שעה צוויי... און דער פארשאלטענער טעלעפאן הערט נישט אויף צו טעראזירן די מענטשהייט... האלא? יא! דא רעדט דיין ניס חנה ביילא... די געדענקטסט ווער איך בין?
יא... די ביזט ברוך'ס טאכטער? ניין! משה שמעון'ס! אה.... נא וואס קען איך טאן פאר דיר? גארנישט איך האב סתם געוואלט ווינטשען א גוט יאר.... און???????? בום! דער טרייבל איז טויט... מען מורמעלט זיך אונטער א קללה... און מען דרייט זיך אויף די אנדערע זייט... קוים די אויגן פארקלעבן זיך ווידער... בום.... דער טעלעפאן פייפט שוין ווייטער וחוזר חלולה..... א פחד....


מה לנו לצרה הזאת? דער מנהג גייט מיר עפעס נישט אין קאפ אריין, דער אייבישטער האט באשאפן די וועלט, און ער פירט דער וועלט עדי לקשושותא... ער איז בורא ומנהיג לכל הבראים, און פירט דער וועלט ווי אזוי ער וויל, כחומר ביד היוצר, כאבן כיד המסתת, כגרזן ביד החרש, כהגה ביד המלח, כזכוכית ביד המזגג, כירועה ביד הרוקם, ככסף ביד הצורף, אזוי ווי מען זאג יוה''כ אויף דערנאכט.

און ער שרייבט אן יעדען ר''ה, ווי אזוי דער נייער יאר זאל דירך גיין, אלזא וואס טוהען אויף די אלע ווינטשערייען? דאס איז עפעס משנה? קען עס דען העלפן? עס איז דאך אלעס געוואנדן אין די מעשים פונעם מענטש? אם ישוב מיד תקבלו.. און אויב נישט ח''ו..... וואס קימט דא אריין די ברכה פון די באבע די צדיקות? און די מומע יענטע נעני? אדער די ווארימע ברכה פון די לייטזעליגען שוויגער זאל לעבן ווי לאנג זי וויל, וואס זיכט נאר א גאנץ יאר צו מאכן דאס לעבן וואס מער ביטער?

אבער ווי נאר איך האב אנגעהאנקערט אינעם טור וואס ברענגט אראפ דעם דאזיגער גמרא: אמר אביי השתא דאמרת סימנא מילתא היא, יהא רגיל איניש למיכל ריש שתא: קרא ורוביא, כרתי, סילקא ותמרי". בתרגום: לאחר שאמרת שיש ענין בסימנים , יהא אדם רגיל לאכול בראש השנה דלעת ורוביא, כרתי, סילקא ותמרים. אז א סימן איז א א זאך האב איך אביסל פארשטאנען דעם מנהג, מען פירט דירך די אלע ווינטשערייען אלס אזא סימן.. דהיינו ווען איינער בייסט אריין אינעם קאפ פון שעפסעל ווער ער דען ווערן א ראש? אויב טוהט ער נישט קיין תשיבה וועט ער גיין אין דער ערד אריין! נאר וואס דען? עס איז אזא סימן... דאס זעלביגע מיט די ווינטשערייען... עס העלפט א מכה... נאר וואס דען? אזא סימן....

שוין זאל זיין א סימן.... סימנא מילתא היא

קאך_לעפל האט געשריבן:און ער שרייבט אן יעדען ר''ה, ווי אזוי דער נייער יאר זאל דירך גיין, אלזא וואס טוהען אויף די אלע ווינטשערייען? דאס איז עפעס משנה? קען עס דען העלפן? עס איז דאך אלעס געוואנדן אין די מעשים פונעם מענטש? אם ישוב מיד תקבלו.. און אויב נישט ח''ו..... וואס קימט דא אריין די ברכה פון די באבע די צדיקות? און די מומע יענטע נעני? אדער די ווארימע ברכה פון די לייטזעליגען שוויגער זאל לעבן ווי לאנג זי וויל, וואס זיכט נאר א גאנץ יאר צו מאכן דאס לעבן וואס מער ביטער?

אל תהי ברכת הדיוט קלה בעיניך.
אבער די ברכות ארבעטן אויך וויערלעס. ווער עס איז אין די גיסטע פון וואונטשן קען עס טוהן ביי זיך אינדערהיים, מען דארף נישט אנרופן יענעם משוגע מאכן. אויסער ווען עס רעדט זיך פון די באבע און זיידע וואס לעכצן אז איינער זאל זיך בכלל וויסענדיג מאכן פון זיי, קאלט מען זיי אן ווינטשן און מען כאפט אריין נאך א זכות צום יום הדין.

קאך לעפעל.
האסט אפשר פארגעסען פונ'ם מאמר " אל תהי ברכס כלה הדיוט בעיניך"
אז דע שניר קאלט דיך דיר אנצעווינטשען, נעם עס אן באהבה.

צו וואס וואונטשטו ר"ה ביינאכט לשנה טובה. אויב טוט יענער נישט תשובה גייט ער דאך אין ד'רערד אריין.

אפשר ליגט אין ברכות ווינטשעריי עפעס טיפער, די מטרה איז להרבות שלום ואחוה צווישן די מענטשהייט. אין ספרים שטייט אז די ענין פון א ברכה איז מעורר צו זיין חסדים, דורך דעם וואס דו ווינטשט יענעם איז עס מעורר אז מ'זאל אים אויך בענטשן פון אויבן.

[tag]קאך_לעפל[/tag] האסט מיך געמאכט שמייכלן

אבער קוקטס נאר ווער ס'האט געלייקט [tag]שמעקעדיג[/tag]'ס תגיבה???!!!! אויב נאר פאר דעם אליינס לוינט זיך אלע וואונטשערייען.

שמעקעדיג האט געשריבן:צו וואס וואונטשטו ר"ה ביינאכט לשנה טובה. אויב טוט יענער נישט תשובה גייט ער דאך אין ד'רערד אריין.

שמעקעדיג: ייש"כ. איך האב שוין געהאלטן ביי אפשרייבן א תגובה צו דיין הודעה, ווען כ'האב באמערקט אז מ'האט מעך שוין מאק-דעם געוועין.
ליתר פרטים עיין ב"רויטע וואנצעס". עניוועי. אלע אידן זאללן האבן א גוט געבענטשט יאר און א גמר חתימה טובה. און ס'זאל זיין א שנת גאולה וישועה. אמן...

א גוט יאר פאר אלע קאווע טרינקער. לשנה טובה תכתב ותחתם לאלתר לחיים טובים ולשלום.

גם אני רוצה לברך את כל חברי וידידי מחדר הקפה , שתתברכו בכתיבה וחתימה טובה , שנה טובה ומבורכת בכל הענינים ברוחניות ובגשמיות ,
און אי״ה צום נייעם יאר צום ווידערזען מיט א פרישקייט !!!

הערטס אויף צו ווינטשען, שמעקעדיג גייט באלד צוברעכן זיין קאמפיוטער, און ענדליך אראפפלאשן זיין טעלעפאן כתקנת המוסדות.

נאר די נאכגעמאכטע האט ער נישט ליב מיינס איז אריגענאל !!!

רויטע וואס איז מיט דיין ברכה ?

א גוט יאר אלע טייערע חברים וידידים, א כתיבה וחתימה טובה.
געוואגטער.
------
אויב איינער וויל 'טרעידן' שפאקטיוו פאר שטערן, איך זיץ אויף די צווייטע 'אייל' לינקס ביי מזרח וואנט. ביטע ברענגן געוויקעלט אינעם קיטל.