קאווע שטיבל

נשלח: **זונטאג סעפטעמבער 16, 2012 9:37 am**

די טרערן הערן זיך נישט אויף גיסן
עס איז אבער גאר א קליינע צרה אקעגן וואס ס'ווארט אפ אויף איר מאן פון די ביטערע מינוט און צו די קינדער, ה' ירחם.
די שאק איז מער ווי דער עולם מיינט דא, זי איז שוין געווען מער ווייניגער אקעי
זי האט געהאט א פעסישער שבת און פון א טעות פון דעם דאקטער איז זי אומגערישט נישט אויפגשטאנען.

למה ה' תעמוד ברחוק תעלים לעתות בצרה,
ה' הקיצה אל תזנח לנצח, למה פניך תסתיר,
זאל שוין די גלעזלע פון טרערן זיך איבערגיסן
שערי דמעות לא ננעלו

נשלח: **דינסטאג סעפטעמבער 18, 2012 9:02 pm**

איך זעה אין נייעס אז א יונג קינד פון 14 חדשים פון מאנסי האט זיך דערטראנקען ראש השנה אין א טוילעט אין בארא פארק? איינער אלטמאן? ה' ישמר! תחל שנה וברכותיה?
עני דיטעילס, איינער?

נשלח: **מיטוואך סעפטעמבער 19, 2012 2:06 am**

הבה"ח בנימין זאב ברוין ע"ה, ב"ר שמשון, געוואוינט אין וויליאמסבורג, געלערענט אין סאטמאר-קווינס, אוועקגעריסן געווארן אין אינגן עלטער פון 19 יאהר, נאכן ווערן דיאגנאזירט א וואך צוריק מיט יענע מעשה, אוי באשעפער, ווי זעמיר, די טייכן זענען פול מיט טרערן, מי שאמר לעולמו די יאמר לצרותינו די

נשלח: **מיטוואך סעפטעמבער 19, 2012 9:30 am**

הוי! באשעפער וואס וועט דא זיין?!

א גאנצע נאכט פרובירט איינצושלאפן, אבער עס גייט נישט, די אלץ פרייליכע פנים פון בנימין זאב ע"ה וויל נישט אוועק גיין,
איך ווייס נישט וויפיל דא האבן אים געקענט, אבער פרעגטס ענק נאך ביי זיינע חברים, א בחור ווי ער איז געווען טרעפט מען נישט קיין סאך.
אלץ געהאט א שמייכל אויף זיין פנים, אלץ געהאט א גוט ווארט צו זאגן, א טובה פאר א צווייטן איז ביי איהם געווען פון דאס וויכטיגסטע.

פון נעכטן נאכט נאכן זמן ווען די שרעקליכע בשורה איז אנגעקומען, האבן חברים איבעראל גלייך אנגעהויבן איינרייסן, אין וויליאמסבורג איז געווען עטליכע מנינים תהלים, אין קרית יואל ביים ציון איז געווען א מנין, אבער פון אויבן איז געווען אנדערש באשערט!
זאל דער אויבערשטער העלפן ער זאל זיין א גוטע מליץ יושר פאר אונז אלע, און זאל שוין דאס גאנצע איבריגע יאר זיין א פרייליך יאר, מיט נאר גוטע און פרייליכע בשורות, און א שנת גאולה וישועה!

נשלח: **מיטוואך סעפטעמבער 19, 2012 9:44 am**

בד"ה מרים קאהן, אשת רבני המדד בערש, 63
וואס איז געווען מיט איר?

נשלח: **מיטוואך סעפטעמבער 19, 2012 12:21 pm**

חכם מחוכם האט געשריבן:הבה"ח בנימין זאב ברוין ע"ה, ב"ר שמשון, געוואוינט אין וויליאמסבורג, געלערענט אין סאטמאר-קווינס, אוועקגעריסן געווארן אין אינגן עלטער פון 19 יאהר, נאכן ווערן דיאגנאזירט א וואך צוריק מיט יענע מעשה, אוי באשעפער, ווי זעמיר, די טייכן זענען פול מיט טרערן, מי שאמר לעולמו די יאמר לצרותינו די

ער איז געווען געזונט און שטארק, ערשט די ערב ר''ה נאך א שטארקע קאפ ווייטאג איז ער אויפ'ן ראט פון די היגע דאקטער אריינגעפלויגן אין שפיטאל וואו ער איז נעבעך דיאגנאזירט געווארן מיט די ביטערע מחלה, און נאכ'ן נעמען קימא האט ער געכאפט אן הארץ אטאקע, פון וואס ער האט ליידער אויסגעהויכט די נשמה.

דאס איז שוין גאר טראגיש

נשלח: **מיטוואך סעפטעמבער 19, 2012 2:24 pm**

ביי די לוי' פון הבחור בנימין זאב ברוין ז"ל אין פראנט פון סאטמאר ביהמ"ד הגדול ראדני
בילד

(קרעדיט דארפסמאן פון אייוועלט)

נשלח: **דאנערשטאג סעפטעמבער 20, 2012 2:16 am**

אייגענארטיג, לייג צו צו די ליסטע,

אז איר שוועסטער האט יארן לאנג געווארט אויף א קינד, און ענדליך האט איר דער אויבערשטער געהאלפן און זי האט געהאט א קינד, האט זי עס נעבעך איבערגעלאזן אזוי אינגערהייט אן קיין מאמע, און די שוועסטער האט אריינגענומען דאס קליין קינד ווי א אייגנס, און יעצט האט דאס קינד פארלוירן די מאמע צום צווייטן מאל. יא, ליידער הערט מען נישט אזוינס אזוי אפט (ב"ה) אזויפיל צרות זיך צאמשטעלן אין איין ביטערע טראגעדיע.

ומי שאמר לעולמו די יאמר לצרותינו די.

נשלח: **זונטאג סעפטעמבער 23, 2012 11:20 am**

באקומען אין אישי פון א חבר דא וואס היט אויף זיין גילוי
אין בין עס מצטט אזוי ווי שטייט און גייט

ר' שמואל ברוך פרידמאן

שמואל ברוך.... שמואל ברוך.... ס'איז יעצט דאס ערשטע מאהל וואס כ'דראף רופען דיין נאמען צוויי מאהל... ס'האט נאך קיינמאל נישט פארסירט; ביסט אלץ געווען א בחינה פון "טרם יקראו ואני אענה"... אז דו ענטפערסט נישט מיין רוף, בהכרח אז דו ביסט מער נישט דא. אוי וויי, ס'קען נישט זיין!!! אוממעגליך, 8 קינדער זיכען זייער טאטע... ואין עונה...
שמואל ברוך, ס'איז שווער דיך צו באשריייבן.
אז כ'וועל זאגן ביסט געווען א "עסקן" וועלן מענטשען מיינען: ביסט געווען אויף'ן טעלעפאון און "ערלעדיגט" ענינים מיט די הויכע פענסטערס.
אז כ'וועל זאגן אז דו האסט נישט געקענט צוקוקען ווי איינער רעדט ביים דאווענען וועלן מענטשען מיינען: האסט געהאט שונאים, האסט געהאט רשעות אין-זיך.
אז כ'וועל זאגן ביסט געווען אן "עכטע גוטע מענטש", וועלן מענטשען מיינען: ביסט געווען אזא נער'עלע, מ'האט דיך געקענט אויסנוצען.
אז כ'וועל זאגן ביסט אלץ געווען גרייט פאר יענעם, וועלן מענטשען מיינען: האסט געהאט אסאך צייט און געלט, און נישט געהאט וואס צו טוהן מיטן טאג.

סאו, וואס קען מען זאגן?
שמואל ברוך, ביסט געווען א "בעל מידות" א "ירא שמים" א "בר-דעת".
וועלעכע מעלה איז נישט בכלל דעם?
שמואל ברוך, ביסטו געווען דבוק אין צדיקים, און איך מיין די אמאליגע סארט דביקות, א דביקות וואס מ'זוכט נישט צו פארציילען פאר קיינעם, נאר בינו לבין רבו.

שמואל ברוך, ביסט געווען "א גארנישט" אין דיינע אויגן.
יעצט אז דו ביסט מער נישט דא וועלען מיר אלע זעהן ביסט געווען "אלעס".

אוי שמואל ברוך, ווער וועט מיך פארשטיין???? ווי טרעף איך דו ריכטיגע ווערטער?
שמואל ברוך, כ'האב קיינמאל נישט געוואוסט אז איינע פון דיינע קינדער אינדערהיים זענען אדאפטירט! און נישט קיין משפחה-מיטגעליד, נאר פשוט האט געזעהן אן "עד" אין די צייטונג אז מ'זוכט א ווארימע היים פאר א אידיש קינד! יא, אזויווי איר הערט.
שמואל ברוך, פון וואו האסטו געוואוסט אז ס'איז טאקע נישטא אזא ווארימע טאטע ווי דו אליינס!?

שמואל ברוך: ביסט געווען א "עניו" א צדיק, א חסיד, אן ערליכע יוד.
א באטעמ'טע איד, יעדער האט מיט דיר געקענט רעדן. אבער נישט אלעס... מ'האט געוואוסט אז מיט שמואל ברוך קען מען נישט רעדן לשון הרע, אדער א שמץ פון ליצנות.

שמואל ברוך דו מאכסט מיך וויינען

נשלח: **זונטאג סעפטעמבער 23, 2012 11:38 am**

ווער איז געווען "שמואל ברוך"? ווען איז ער אוועק?

נשלח: **זונטאג סעפטעמבער 23, 2012 3:23 pm**

בדה רבני הנגיד יוסף אשכנזי פין מאנסי 58
יענע מעשה

נשלח: **זונטאג סעפטעמבער 23, 2012 3:39 pm**

שמואל ברוך פריעדמאן, א אינגערמאן ארום 40 קוים חתונה געמאכט די ערשטע פון 8 קינדערלאך

א זון פון BH בעיטער העילט פריעדמאן

געהאט א עניורוזים און אןועק פלוצלינג

נשלח: **זונטאג סעפטעמבער 23, 2012 3:42 pm**

געוואלד געשריגן! בד"א. וואו האט ער געוואוינט?

נשלח: **זונטאג סעפטעמבער 23, 2012 5:20 pm**

זר זהב האט געשריבן:געוואלד געשריגן! בד"א. וואו האט ער געוואוינט?

In boro park I think he was a Bobover

נשלח: **מאנטאג סעפטעמבער 24, 2012 12:59 pm**

gehlungen האט געשריבן:
זר זהב האט געשריבן:געוואלד געשריגן! בד"א. וואו האט ער געוואוינט?

In boro park I think he was a Bobover

נישט קיין באבובער
גע'הערט קיין אמונת ישראל / טשערנאביל

נשלח: **מאנטאג סעפטעמבער 24, 2012 2:16 pm**

אייגענטומער פון לערנער שטריימלעך איז אוועק, געווען נישט געזונט.
67 יאר.

נשלח: **מוצ"ש אקטאבער 06, 2012 8:41 pm**

בד״ה
החסיד הישיש ר׳ אברהם צבי נייגער ז״ל. מגדולי חסידי באבוב 45
(98 יאר אלט)

נשלח: **מוצ"ש אקטאבער 06, 2012 8:46 pm**

אברהמי ראענבערגער, 9 יעריג יונגעל אוועק פון יענע מחלה

נשלח: **מוצ"ש אקטאבער 06, 2012 11:00 pm**

אוי געוואלד. וועמענס זון? וואו וואוינען זיי? ווען גייט זיין די לויה? גיב פרטים.
ומחה השם דמעה מעל כל פנים אמן.

נשלח: **זונטאג אקטאבער 07, 2012 9:25 am**

זיי וואוינען אין ווילימסבורג. טאטע איז א חסיד בעלזא-מחנובקא. די לויה איז געווען ערב שבת 9 אזייגער אינדערפרי.

נשלח: **מיטוואך אקטאבער 10, 2012 11:06 am**

הוי..
BDH: Levaya of Mrs. Leah Indig (42) B"R Naftula Nuta(Rottenberg), Eishes HuAsken R' Naftula Moshe Indig shlit"a, will be on 1:00pm at Bhm"d Hg' WB (Hooper St.) to KY Bh"ch.

ושנשמע ונתבשר בשורות טובות

נשלח: **מיטוואך אקטאבער 10, 2012 12:00 pm**

אוי וויי!! וואס איז געשעהן מיט איר?!

נשלח: **מיטוואך אקטאבער 10, 2012 12:05 pm**

יענע מחלה.

קאווע שטיבל

יהא זכרו ברוך

ר' שמואל ברוך פרידמאן